قصيده وطنيه باسم عوال الصقر

حبست الشعر واتعبني انحباسه
وذكر الله ساس العلم ساسه
الا يا خالقي بسمك بدينا
عضيم ما جهلنا قو باسه
انا شهري عوال الصقر ربعي
هل الطالات ورجال الفراسه
الى منا بدينا ماتقينا
تبين ابنا الحميه والحماسه
رجال كلنا سقم المعادي
وراعي المخطيه يضرب بفاسه
تحت حكمك يابو متعب ملكنا
عسى الله يحفظه ويديم راسه
اذا هو بخير فحنا بالف نعمه
يربي تجعل الصحه لباسه
عطانا ثم عطانا ثم عطانا
وليل الفقر هو جالي عماسه
وموالين لكم ياخوان نوره
ويخسى من دعى للانتكاسه
حقير واقتبس فكر مضلل
ويبغانا نشارك في اقتباسه
عدو الشعب ومعادي الحكومه
تلبس لبسة ماهي مقاسه
قلوله بننا شعب سعودي
رفعنا الله عن ادروب الدناسه
الا يالله يارب الخلائق
يمحيي الارض من بعد اليباسه
دعيتك عجل بساعة هلاكه
هذا الفتان بين اهله وناسه
مدام الرايه الخظراء ترفرف
فحنا تحتها جند وحراسه
وقلوله بننا شعب سعودي
رفعنا الله عن ادروب الدناسه