قصائد للهلال..........

هذي قصائد للهلال




""""""""""""


ياجماعة كيف الأزرق مايفوز
والفرق من هيبته تلعب دفاع
للبطولة اصدر القاضي نشوز
لين طاعت للأوامر بانصياع
من خطبها قلنا هذا مايجوز
الهلال اولى بها وامره مطاع
صفحة التاريخ تكتب لك رموز
في سجلات الذهب قبل الضياع
المشاعر بالفرح قامت تنوز
ثم صارت بالسما مثل الشعاع
حب الازرق مانبيعه بالكنوز
من عرفته فوق راسي مايباع
العتيبي للشعر يبرز بروز
يمسعه من كان في شتى البقاع
لو بغيت انظم قصايد ماتعوز
للهلال أبدعت قدر المستطاع


للشاعر / سعد نهاض ماجد العتيبي


"""""""""""


هذا الهلال اللي على الفوز معتاد
هذا الزعيم اللي يقولون وينه
له هيبة يرهب بها كل الاضداد
وارجال تصدق فعلهم خابرينه
الفرق واضح كل يوم ويزداد
بين النوادي والأسد في عرينه
الهلال ماله عن مشاهيه رداد
زعيم فوق الكل يمشجعينه
حقيقة بانت على روس الاشهاد
في ليلة تاريخها حافظينه
ليلة خميس وخير وبرق ورعاد
كأس الكؤوس اللي بقى جايبينه
اهلالها زاد المسافة والابعاد
بين الوطن واللي ترى امنافسينه
شلهوب موهوب لعب كيف ماراد
وصاه ذيب غاب يافاقدينه
نواف والجمعان للباب جلاد
له شوتةٍ حراسها خايفينه
وجمهور لون الموج ويهز الإستاد
واضعافهم في كل بر ومدينه
وابختصر قولي عن اهروج نِقاد
كبت المشاعر صعب يالايمينه
قول المثل معروف من عصر الاجداد
لعب الكعابة غلبة فيه شينه



للشاعر / فهد بن عقيل الطويان


""""""""""""


تفنن ياهلال المجد وغرد بأعذب الألحان
ملايين البشر لعبك بكل جنون يهوونه
نحب مشاهد الكوره من اجلك يا ازرق الالوان
على خضر الملاعب فن غيرك ما يجيدونه
تلقب بالزعيم و بالسفير وللوطن عنوان
ولاعمرك خذلت اللي املهم فيك يرجونه
جميع الاندية تلعب ولكن رفس بالسيقان
كبير الفرق بين إمتاعك ولعب يعكونه
أنا اشهد يرتجف خصمك الى طبيت بالميدان
تحشره داخل الملعب نجومه ما يسرونه
بخطة قايد ملهم تثور وثورتك بركان
تلفت خصمك المنهك عسى الحكام ينجونه
يعيبونك عصابة جهل خاوين الفكر بهتان
بزعم افكارهم فعلك عن العالم يحجبونه
اقول معاند الواقع ومشي بالخطا خذلان
شليله بالصحافة في بلدنا ما يطيقونه
ومعهم شلة التحكيم تميل بكفة الميزان
يهينون الزعيم بصافرتهم ويتحدونه
ولكن الامل معقود في فيصل وفي سلطان
يوقف كل عابث عند حده ما يخلونه
نبي من قاضي الملعب عداله للجميع إتبان
عداله ترضي المهزوم والفايز يهنونه
ترى ترك التعصب يا جماهير الرياضة حان
سفير المملكة مفروض يخجل من يعادونه
سفير لاغزا يجلب بطولات مع الكيسان
ويرجع ذايع صيته ويسعد من يحبونه
هلابه وين ما يرحل هلابه راجع نشوان
على البث الفضائي كل خلق الله يشوفونه
يهلي به بنوا يعرب ومن في آسيا سكان
وكل عيال حام وسام هلال المجد يغلونه
تفنن ياهلال المجد وغرد بأعذب الألحان
ملايين البشر لعبك بكل جنون يهوون


للشاعر / تركي مسلم الفرج


"""""""""""""""


يالشاعر اللي هرجه الوان وأشكال
زعلان مثلك ناس واجد زعوله
هذي شهادة منك يا طيب الفال
ونبض المشاعر ما تجي بالسهوله
حولت تشجيعي بعد شفت الاهوال
اعلنتها والنفس ما هي خجوله
واخترت من تضرب به الناس الأمثال
زعيمكم يااصحابنا صفقوله
ادارته عقال ما هم بجهال
أهل التواضع من زمان الطفوله
في الشرق ولا غرب وجنوب وشمال
هل الهلال بطلته هللوله
وشعار نادينا مشاهير ورجال
وهذا الصحيح ولازمنا نقوله
السامر يكفيك عن كل الاقوال
وبن مساعد شاعر ورمز دوله
وبن جعيثن للصعيبات حّلال
لاحط لغز ما عرفتوا حلوله
وبن جريد للبطل قال موال
وحبيب وفيصل بحب قصدوله
ويقودنا اللي له تحيات واجلال
سعود بن تركي ما ننسى فضوله
وأبومساعد شيخنا فعوله جزال
هذا المؤسس والجميع اهتفوله
واعضاء الشرف بالجهد والحال والمال
حطوا زعيم الكل ماشي حوله
ونجومنا مثل الذهب عالي العال
يقودهم نمر تنومس فعوله
رديت ما فكرت بالقيل والقال
ما همني شاعر يجمع طبوله
وأنا حمد الله راحت الفكر والبال
مع الزعيم المجد عرضه وطوله
وصلاة ربي عد ما هل همال
على نبي كل الأمه دعوله




للشاعر : ناصر بن شافي البقمي


"""""""""""""


هلالي عسى مجده يسود
ويبقى اسمه خالد بالوجود
وتبقى فنونه وتبقى انتصاراته
على رغم المعادي وكل حسود
نعيش معاه الفرح والسرور
ويعزف لنا لحن الخلود
وينسج لنا خيوط القمر
مجدا له تعلى بلا حدود
نباهي بهلالنا ونفخر به
محقق لنا المجد والوعود
يا من حظن كأس النخبه
وعم الفرح بالوظن والسعود
هلالي ويبقى مجدك يسود
يامن عزف لنا لحن الخلود


للشاعر / راضي بن محمد الطويل


"""""""""""""""


صــفــقــوا بــالــقـلب من دون اليدين أنت يااللي كل مــاقــالــوا هـــــــــــــــــــلال
و بـــالملاعب لك جـمــاهـير و عــويــن با لـحــنــأيــا لــك مــــواريـــــف و نـــــزال
قمت اجــــــاوب عنك لـحظه لـحظتين و لك بــقــلبي كــــل مــا يــطــري ســـؤال
و لـحـــظــة تــنـبض عشــانــك نـبـضتــين لـحـــظــة تــقــبــل و أغــــني لــك تـــعـــال
و الــبــطــولـــة فـــيــك ما قــالـت لــويــن كــــــل زيـــن فـــيــك مـــا قــــالــــوا يــقــال
لــلـــزعـــيـــم الـــفـــوز قــالت جــــاهزين كـــنــهــا تــقــرا عــلـــى روس الـجــــبـــال
لـــو مـحـــاك الكاس ما تـمحـــاك عين و جــيت كـــنـــك وادي بالـحـــبر ســـال
و يـنـشـــرح لك فوق صدري وردتين تــنــكــتب بالـصـدر مــفــتــون الـجمــال
وأنت الأزرق كل ماجت هجمــتين من جـــنـــوب القلب و إلا من شمـــــال
بـــالــــرخــــا تـــنـــبـــان و الــشـــده تـبـين لك جـمــاهــــير على كــــــف الـــوصـــــال
ودهـــــــا تـــســــألك لــــو هي كلـــمتــين عن لـــزومــــك كل ما جــــا لك مـجــــال
يـــرتـجـــف مــنــه خــفــوق و قــفــلــتين لــية مــــوجــــك كل مــايــصفــق بـجـــــــال
صــفــقــوا بالـــقـــلـب من دون اليدين أنت ياللي كل ما قــــالــــوا هـــــــــــــــلال


للشاعر: ماجد الرشيدي


""""""""""""


واسمحوا لي اوصف الغالي الهــــــــــلالي الكــــــلام يزين في وصف الهــــــــلال
وكل ذوق وفن من طبــع الهـــــــــلالي الـفـخر وأهل الـفـخــر أهل الهـــــــــلال
و كل عــالي و مرتــفـــع اسمه هــــــــــلالي والبحر وأمــواجـــه أمــــــواج الهــــــــلال
عــلــمــوه ان الســمــاء فــيــهــا هـــــــــــلالي علموا الجــــــاهل عن علوم الهــــــــلال
و علموه ان الــقـمــر نــوره هــــــــــــلالي وعلموه ان الـــــذهب عـنـد الهــــــــلال
الـــزعــــامـــــــه كلـــهــا لــك يـــا الهــــــلالي و عـــلــمــوه ان الـــزعـــــامـــــه للــــــهــلال
و من قصدنـا غير شلـهـوب الهـــــــــلالي من يــعــرف الليث الأزرق الهـــــــــلال
يــوم يــنــويــها الهدف يـصبـح هـــــــــلالي والنمر يوسف من اسرار الهــــــــــــلال
ســامي الـجــــابر أسد غـــــالي هـــــــلالي و سام تسعة ذيـبـنـا ذيــب الهــــــــــــلال
دوخ الدوخي الخصم درع الهــــــلالي و الظـهير الــفـارس يـمين الهـــــــــــــلال
بـرقـنـا قـبـل المــطــر ميــــلـــــه هــــــــلالي وذا عمر برق ظهر ضمن الهـــــــــــــلال
من خـميس تقدم دروس الهــــــلالي والوسط يـحــرسه جـنـدي الهـــــــــــلال
و كل يـــوم يـــنـــولـــــد نـجــم هــــــلالي واعذروني ماكمل و صف الهــــــــلال
و القصيدة اصلها شاعر هـــــــــــــــــــلالي وفي الختام يعيش و يعيش الهـــــــــــــلال


للشاعر: حـمد بن عبدالرحـمن بن حـمد الشيحان